ÎZMÎR - Meclîsa Jinan a Îzmîrê ya DEM Partiyê ji bo veguherandina şêwazên tevgerên zayendîparêz û eşkerekirina hişmendiyeke kolektîf "Komxebata Wekheviya Zayendî" li dar xist.

 

Meclîsa Jinan a Îzmîrê ya Partiya Wekhevî û Demokrasiyê ya Gelan (DEM Partî) di çarçoveya 25'ê Mijdarê Roja Têkoşîna li Dijî Tundiya li ser Jinan de li avahiya partiyê komxebatek bi navê "Wekheviya Zayendî" li dar xist. Gulsen Ulke komxebat bi rê ve bir û rêveberên navçeyên partiyê jî beşdar bûn.

 

'Wekheviya zayendî ne tenê pirsgirêkek jinan e'

 

Dema ku komxebat dest pê kir, Turkan Aslan Agaç, Berdevka Meclîsa Jinan a Partiyê, axaftin kir. Turkan Aslan Agaç got," Em bawer dikin ku ew ê hişmendiyek kolektîf jî pêş bixe ku dê şêwazên tevgerên zayendî veguherîne. Wekheviya zayendî ne tenê pirsgirêkek jinan e; ew pirsgirêkek mêran e. Her weha divê ew berpirsiyariya hevpar a rêber û endamên partiyê be."

 

Piştî axaftinê xebata atolyeyê dest pê kir.