Roniştişê rojnamegere Yelda Çîçeke ame taloqkerdiş

2025-05-20 14:34:01


	 

	 

	AMED - Dewaya rojnamegere Yelda Çîçeke semedê  demêk bîn ame taloqkerdiş.

	 

	Yewin roniştişê dewaya rojnamegere Yelda Çîçeke ke  21ê tebaxa 2019ine de wexto ke protestoyanê hemverê tayînkerdişê qeyûman yê şaredarîya Amedî taqîb kerdêne, destbend bîbî û bi tohmetê "binpaykerdişê Qanûnê Hûmara 20911 yê kombîyayîş û protestoyan" newe ra amebî muhakemekerdiş, Dadgeha Cezaya Asayî ya 4ine yê Amedî de ame kerdiş. Yelda Çîçek û avûkatê aye Burhan Arta roniştiş de hazir bî. Sewbîna Komeleya Rojnamegeranê Cinîyan ê Mezopotamyaye (MKG) û Komeleya Rojnamegeranê Dîcle Firatî (DFG) semedê paştdayîşê beşdarê roniştişî bî.

	 

	'Şîdet mi rê ame kerdiş'

	 

	Yelda Çîçeke dîyar kerd ke çîyêk vatişanê xo yê verê zêde nêkena û va, "Şîdet mi rê ame kerdiş û ez destbend bîya. No reya ewilî yo ke hema zî şîdet rojnamegeran ser ke ware de xebityenê yeno kerdiş. Ê yenê destbendkerdiş û tepiştiş. Ez beraetê xo wazena."

	 

	Avûkat Burhan Arta dîyar kerd ke, "Ez beraetê muwekîla xo wazena."

	 

	Dadgehe qerar da ke semedê îfadegirewtişê kesî dem bido. Heyetê dadgehe roniştişî bînî taloqê 27ê gulane kerd.