Têkoşînê Meyase Yilmaze ya berardişî

2025-06-04 10:26:33


	 

	 

	RIHA - Meyese Yilmaz ke dewa xo sera da ro, cinîyan rê bena çimeyê îlhamî û dewe de wareyê îstîhdamî awan kena.

	 

	Cinî berardişê kulturî de rolêk aktîf kay kenê. Keyeyê citkaran de beşêk karî yê cidî est o û cinî hem nê karî de ca gênê, hem zî kar û barê keyeyî û heywanan rê zî ewnîyenê. Xeylêk bajaranê Kurdistanî de şar debara bi bi awankerdişê serayan keno. 

	 

	Cinîya bi nameyê Meyese Yilmaz ke dewa Curnusî ya Hewagî ya Rihayî de 15 serrî seratî kena û heto bîn ra zî karê keyeyî dir û heywanan dir eleqedar bena.

	 

	‘Karkerîya xo sepernena bi serran’

	 

	Meyese Yilmaz dîyar kerd ke 15 serrî yo kedêke pîle dana serayan û wina va: “Verê ma 11 serrî nê karî Antalya de kerdêne. 4 serrî yo nê karî dewa Curnusî de kena. 3 serrî yo ma sebze çînenê û emser zî xeylê xo ma zebeş û petixî ramitî. Ma poşman nîyê. Qezencê ma debara ma keno.”

	 

	‘Têkoşînê cuye’

	 

	Meyese Yilmaz dîyar kerd ke xêrcê sera zî berpirsyarîyê aye est ê û wina va: “Ma zehmetiyan ancenê. Ma Antalya de dest bi kar kerd. Dima ra ma ameyî dewe û ma nê erdî girewt. Ma sera awan kerd. Ma keyeyêk viraşt. Ma tutanê xo zewicnayî. Nika ma seratî kenê. Nokteyê ke zehmetîyan ancena est ê. Hem keye de şuxilûna, hem sera de şuxilêna. Keyeyê mi verê sera de yo. Nê semedî ra asan beno. Di bizê mi est ê. Kergê mi est ê. Erdê ma yê fistiqî zî est ê. Ma mîyan de daranê engure dayê ro. Ma ewnîyenê înan ra.”

	 

	‘Ma berardişê xo vay nêroşenê’

	 

	Meyese Yilmaz dîyar kerd ke semedê krîzê ekonomî berardişê bazaran zaf vay ê û va: “Ma berardişê xo vay nêroşenê. Ma bi vayîyêke normal danê şarî. Dewanê bînan ra muşterî yenê. Ma vanê hende rayîr ameyê, ma pereyêk kêmî danê.”