Zîndanê Evîne hedef ame girewtiş 

2025-06-23 15:02:23


	 

	MERKEZÊ XEBERAN - Zîndanê Evîne yê Tahranî ke tepişteyê sîyasî tede tepişnenê, hetê teyareyê şerî yê Îsraîlî ra hedef ame girewtiş.

	 

	Goreyê agahîyê ke herême ra ameyî girewtiş, teyareyê şerî yê Îsraîlî şan de Zîndanê Evîne yê Tahranî ke tepişteyê sîyasî ci de yenê tepiştiş, bombavaran kerdo. Vengê teqinayîşê pîlî ameyî eşnawitiş û zîndanî ser o dûman berz bî.

	 

	Goreyê dîmenê ke ameyî vilakerdiş, yeno vînayîş ke Zîndanê Evîne ameyo bombavarankerdiş. Goreyê hîn agahîyê ke yenê vatiş, zîndan 18ê hezîrane de ameyo bombavarankerdiş la tarîxê hêrişî de agahîyêke zelal nêameya girewtiş.

	 

	Dimayê hêrişê zîndanî, şîyîş û ameyîşê mîyanê zîndanî girewtî û xeylêk ambulansan sewqê zîndanî kerdî.

	 

	Zîndanê Evîne de xeylêk sîyasetmedar, rojnameger, çalakîkerê heqê merdiman û welatijê xerîbî yenê tepiştiş.

	 

	Derheqî hedîse de heta nika selahîyetdaranê Îranî ra tu eşkerayîyêke nêameya dayîş û Îsarîlî zî tesdîq nêkerdo.

	 

	MOSSAD'î derheqê hêrişî de hesabê xo yê X'î ser o dîmen pare kerd.