
Dayîkê Aştîye yê Kobanê, Dayîkê Aştîye yê Vakurî silam kerdî

2025-10-20 15:28:49


	&nbsp;

	&nbsp;

	MERKEZÊ XEBERAN - Dayîkê Aştîye û keyeyanê pakrewanan ê Kobanê bi eşkerayîyêk konferansê Dayîkanê Aştîye ke dimayê 12 serran ame viraştiş, silam kerd.

	&nbsp;

	Semedê silamkerdiş û piştgirîya Dayîkanê Aştîye yê Bakurê Kurdistanî, ewro Kobanê de Dayîkanê Aştîye û yê pakrewanan, her wina Înîsiyatîfê Azadîya Fîzîkî ya Abdullah Ocalanî eşkerayîyêk da çapemenîye.

	&nbsp;

	Eşkerayîye de endamê Înîsiyatîfê Azadîya Fîzîkî ya Abdullah Ocalanî, Dayîkanê Aştîye û keyeyanê pakrewanan amade bî. Eşkerayîya ke vernîya Meclîsê Keyeyanê Şehîdan ame dayîş, hetê îdareyê Meclîsê Cinîyan ê Meclîsê Keyeyanê Şehîdan ê kantonê Firatî Cîhan Hemî ra ame wendiş.

	&nbsp;

	Eşkerayîya wina ya:

	&nbsp;

	“Ma sey dayîkanê şehîdan û Dayîkanê Aştîye yê Kobanê silamanê xo yê german semedê Konferansê Dayîkanê Aştîye ke Amed de virazîya şirawenê û semedê ê dayîkanê ke konferans de bî serkewtiş wazenê. Ma bi zerrî û can semedê qeraranê tarîxîyan ke aştîye şarê ma rê ano û rûmetê merdimayîye paweno, serkewtiş wazenê.

	&nbsp;

	Dayîkê şehîdan û Dayîkê Aştîye, Kurdistan de temsîlkarîya cinîyanê azadan kenê û timûtim zerrîya şorişê kurdî de bîyê. Ê ke wextê laj û kênayê înan şehîd benê, bi vengêk berz bililîyan kenê û rûmetê şarê ma pawenê, bi hawayêko ke nê neteweyanê bînan de kêm yeno dîyayîş. Ancî ma dayîkê şehîdan û Dayîkê Aştîye yê Kobanî, konferansê şima pîroz kenê. Ma semedê şima serkewtiş û serfîrazî wazenê.”

	&nbsp;

	Eşkerayîya bi sloganê “Bê serok jiyan nabe” û “Jin, jiyan, azadî” peynî bî.

	&nbsp;