ÎZMÎR - Eşkerayîya çapemenîye ke hemverê binpaykerdişê heqan ê Zîndanan Cinîyan ê Şakranî pê yeno, venga sazgehê dewlete ame kerdiş ke wezîfeyê xo bica bîyarê.

 

Şubeyê Komeleya Heqê Merdiman (ÎHD) û Komeleya Huqûqnasê Azadîwaz (OHD) yê Îzmîrî, hemverê binpaykerdişê heqan yê Zîndananê Cinîyan ê Şakranî yenê kerdiş, eşkerayîyêke çapemenî dayî. Rêxistinê huqûqî û heqê merdiman ke vernîya eşkerayîye şîyî serdayîşê tepişteyanê Zîndanê Kampusê Şakranî yê Alîaga, dimayê serdayîşê verê zîndanî de ameyî têhet û pankartê bi nuşteyê "Peynîya binpaykerdişê heqan û caardişê keyfî yê zîndanan bîyarê" akerdî.

 

‘Zîndanê Cinîyan ê Şakranî binpaykerdişê heqan zêde bî’

 

Ayfer Yildirim, dîyar kerd ke tecrîd, îşkence û muameleyê xirab zîndanê Tirkîya bi hawayêk sîstematîk bî û xeylêk binpaykerdişê heqan dewam kenê û va, hewteyê peyîn de semedê muracatê tepişteyan û merdimanê înan bi taybetî Zîndanê Cinîyan ê Şakranî binpaykerdişê heqan zêde bîy. Ayfer Yildirim wina va, “Demê pêvînayîşê akerde de destûr nêdayî ke tepişteyî merdimanê xo ko bikerê û hetê îdareyê Zîndanê Girewte yê Cinîyan ê Îzmîrî ra cezaya dîsîplînî tepişteyê ke merdimê xo ko kerdê ame birnayîş û ma neql kerd ke her pêvînayîşî de na rewşe reyna bîya û no sey slogan ameyo qebûlkerdiş. Xebatê ma yê semedê wedaritişê binpaykerdişê heqan yê zîndanan heta peynî binpaykerdişî bêrê do dewam bikero û semedê wedaritişê binpaykerdişan do têkoşîn dewam bikero.”

 

Eşkerayî bi sloganan peynî bî.