MERKEZÊ XEBERAN- Rojnameyê Serxwebûnî bi hûmara xo ya peyêne vejîya û bi weşanayîşê perspektîfê Rayberê Şarê Kurdî Abdullah Ocalanî weşanê xo qedêna.

 

Rojnameyê Serxwebûnî pêroyê perspektîfê Rayberê Şarê Kurdî Abdullah Ocalanî ke erşawitbi Kongreya PKK’yî ya 12. û belgeyê kongreyî pêro weşanayî. Serxwebûnî eşkera kerd ke weşanê xo yo 44 serrî yo bêmabên qedênayo û wina ame vatene: “Heme çî seba destpêkeko newe û hîna xurt o.”

 

Belgeyê Kongreya PKK’yî ya 12. pêro hûmara Gulane (Hûmara 521.) a rojnameyê Serxwebûnî de ameyê weşanayene. Perspektîfo ke Abdullah Ocalan Îmrali ra erşawit kongre, reya ewilin rojnameyê Serxwebûnî de ame weşanayene. Perspektîfo ke mesajê tarîxî tede ca gênê, ey ra vete metno pêroyî yê qiseykerdişê destpêk û girewtişî yê Kongreyî, qerarî ke ameyê girewtene û fikrê delegeyan zî ameyê weşanayene.