MERSÎN - Bîrgul Daniş ke sey cinîyêke ciwane hemverê meslegê ke goreyê rolê cinsê komelî ameyê dîyarkerdiş, bi înat marketê xo akerd û va wexto ke hukmê vernî yê hemverê cinîyan zêde bî de, taxa xo de market akerda.”

 

Cinî her wareyê cuye de hemverê rolê cinsê komelî têkoşîn kenê. Pêwa pêro astengîyan cinî nê hukmê vernî şikinenê û têkoşîn kenê. Qezaya Akdenîzî de cinîya bi nameyê Bîrgul Daniş kalibê meslegî yê cinîyan rê ameyê ferzkerdiş red kerd û sektorê marketê ke sey wareyê serdest ê camêrdî yeno dayîş de marketê xo akerd. Bîrgul Daniş derheqê zor û zehmetî û tesîrê krîzê ekonomî de qisey kerd.

 

Hukmê vernî yê hemverê cinîyan roj bi roje zêde benê

 

Bîrgul Daniş va, wexto ke market akerda, zehmetî anta û va: “Vatî ke ti do hîrê aşmî tîya bimanê. Ma heta ereyê şewe xebitîyenê. Kesê ke derûdor de qisey kenê, vatêne ti nêeşkena bikerê. Hesabê marketî de hûmara hesaban zêde ya. Sey cil û belgan nîya. Hukmê vernî yê hemverê cinîyan her ke şinê zêde benê. Taxe de yewin rey cinîya ke market akerd, ez bîya. Bêşik yê ke paştdayîş dayî mi zî estbî. Cîranî û keye destekêk pîl dayî mi.”   

 

'Her çî dikanî aîdê min o'

 

Bîrgul Daniş dîyar kerd ke pêwa pêro hukmê vernî aye fek karê xo ra vera nêdaya û dîyar kerd ke pêro kar û barê dikanî dir û sewqiyatî dir aye eleqedar bena û va, demo ke merdimî biwazê çîyo ke nêro kerdiş çin o.

 

‘Her ke enflasyon zêde beno ma mecbûr ê vayîye bivurnê’

 

Bîrgul Daniş bale ant krîzê ekonomî ser û va: “Şampuanê ma hewteyê vîyarte girewt, no hewte eynî vayî de nîyo. Vayî her roje vuryena. Ma nêeşkenê nê çî însanan ra vajê. Her ke enflasyon zêde beno, ma mecbûr ê vayî bivurnê. Her tim vayî vuryenê. Ma zî mecbûr ê wina bikerê. Krîz, tesîrêk pîl merdiman ser o kerdo.”