MERKEZÊ XEBERAN – Wezîfedarê Daîreya Îstîxbaratî, vera ke qerarêk dadgehe bimojnê, eştî keyeyê avûkat û aktîvîstê sîyasî Tahir Hakavî û cinîya aye Soheila Sedighianî destbend kerdî. Dimayê 3 saetê cipersayîşî vera dayî.

 

8ê kanûne roja dişeme, hêzê ke girêdayê Wezaretê Îstîxbaratî yê Komara Îslamî ya Îranî yê, eştê keyeyê avûkat Tahir Nakavî û vera ke qerarêk dadgehe bimojnê, cinîya aye Soheila Sedighianî destbend kerdî.

 

Goreyê agahîyan, hêzê asayîşî dimayê ke kewtê zere, cigêrayîş kerdê; dest dayî ser leptop, telefonê cêbî û hîn hacetê elektronîkî. Dimayê cigêrayîşî semedê cipersayîşê Soheila Sedighianî destbend kerdî û dimayê cipersayîşê 3 seatan aye veradayî.

 

Derheqê sebebê eştişê keyeyî ser û destbendkerdişê Sedighianî de heta nika tu çî nêame vatene.

 

Avûkat û aktîvîstê sîyasî Tahir Nakavî, 27ê teşrîna verêne 2025ine ra hetanî nika Zîndanê Evînî de tepişte yo û semedê ke nîno dermankerdene grevê vêşanîye domneno. Ame neqlkerdene ke Tahir Nakavî rê destûr nêdanê ke keyeyê xo dir pêvînayîş bikero.