STENBOL - Garîbe Gezer a ke zîndano ci de mendêne binê şert û mercê şikdarî de merde, serrgêra mergê xo de ameye yadkerdiş.

 

Garîbe Gezer neql kerd ke Zîndanê Padaye yê Tîpê Fyê Hûmara 1ine Kocaeliyî de dimayê îşkenceyê sîstematîk tecawiz ci rê ameyo kerdiş û şert û mercê gumanbar de 9ê kanûna 2021ine de dinyaya xo bedelnabî. 

 

Avûkate Eren Keskîn parekerdişê xo yê Xî ser de Garîbe Gezer yad kerd û va: "9ê kanûna 2021ine de, Garîbe Gezer ke hemverê heme binpaykerdişê ke Zîndanê Kandirayî de ci rê amebî kerdiş, sere wedarna û rûmetê merdimayî pawit, dinyaya xo bedelnaye. Sûcdarî nêameyî cezakerdiş. Garîbe nameyê serewedsritişêk hemverê tecrîdî ya. Aye do her tim bi eşq û hesrete bêro yadkerdiş."