
Mêrdîn ji bo Rojava di çalakiyê de ye 

2026-01-25 22:16:17


	&nbsp;

	MÊRDÎN - Li navçeya Qoser, Artuklu û Nisêbîn a Mêrdînê welatî çalakiyên ji bo Rojava didomînin û li kolanan agir pê xistin, konvoy ava kirin û çalakiya deng derxistinê pêk anîn.

	&nbsp;

	Êrîşên HTŞ, DAIş û çeteyên girêdayê Tirkiyeyê yên li dijî Rojava li Artuklu, Qoser û Nisêbîn a Mêrdînê hatin protestokirin. Welatî daketin kolanan û êrîş protesto kirin.

	&nbsp;

	Li Qoserê konvoy hat avakirin û li gelek nokteyên cuda yên navçeyê çalakiyên deng derxistinê pêk hatin. Welatiyan ji şaneşîn, ban û paçeyên mala xwe piştgirî dan çalakiyê û peyamên piştevaniyê dan. Ligel vê gel li kolanan agir pêxistin û piştevaniya xwe domandin.

	&nbsp;

	Nisêbîn

	&nbsp;

	&nbsp;Li Nisê bînê jî welatiyan konvoy &nbsp;ava kirin û çalakiya xwe domandin. Welatiyên li Bariş Petrol hatin gel hev bi konvoy û dirûşmeyan çalakî pêk anîn. Li taxa Alîka welatiyan agir pêxistin. Gelek kes tevli çalakiyê bûn.

	&nbsp;

	Artûklû

	&nbsp;

	Li Artukliyê jî welatiyan li taxan çalakiya xwe domandin, çalakiya deng derxistinê pêk anîn. Bi sedan kes tevli çalakiyan bûn û dirûşmeyên ‘bijî berxwedana Rojava’ berzkirin.

	&nbsp;