
'Dermankirina girtiyan nayê kirin'

2026-03-10 14:21:00


	&nbsp;

	RIHA - TÛAY-DER û OHD ên Rihayê, rapora ku der barê binpêkirinên mafên mirovan ên li girtîgehên Osmaniye, Tokat, Riha û Sêwregê de amade kirin, eşkere kirin.

	&nbsp;

	TÛAY-DER û OHD ên Rihayê, rapora ku der barê binpêkirinên mafên mirovan ên li girtîgehên Osmaniye, Tokat, Riha û Sêwregê de amade kirin, eşkere kirin. Hevberdevka Komîsyona Girtîgehê ya Şaxa Komeleya Hiqûqnasên Ji Bo Azadiyê (OHD) a Rihayê Meral Halatê di civîna çapemeniyê de ku li TUHAY-DER'ê hat lidarxistin, binpêkirinên mafên mirovan ên li Girtîgehên Girtî yên Tîpa T ya Hejmar 2 ya Osmaniye, Tîpa T ya Tokat, Tîpa T ya Hejmar 2 ya Rihayê û Tîpa T ya Hejmar 2 ya Sêwregê ragihandin.

	&nbsp;

	Meral Halat diyar kir ku komîteyek ji bo lêkolîna binpêkirinên mafên mirovan li girtîgehan hatiye avakirin, bi girtiyan re hevpeyvînên yek bi yek pêk aniye û pirsgirêkên cidî, bi taybetî der barê mafê tenduristiyê de, hatine tespîtkirin. Di hevpeyvînan de derket holê ku gelek girtî ji nexweşiyên kronîk û giran dikişînin ku hin ji wan tevî ku rewşa wan a jiyanê xetere ye jî, di girtîgehê de ne. Hat destnîşankirin ku Abdulkadir Kaya li Girtîgeha Rihayê ji ber pirsgirêkên dil û tansiyonê pêdivî bi emeliyatê heye û Hasan Demirtaş li Girtîgeha Tokatê nexweşiya Behçet û tayê pê re hene, lê bi rêkûpêk nayê dermankirin. Her wiha, hat gotin ku Omer Yaman li Girtîgeha Tokatê tevî ku tansiyona bilind û nexweşiyeke giran a çavan pê re hene jî, nehatiye emeliyatkirin.

	&nbsp;

	Meral Halat her wiha diyar kir ku cezayên hin girtiyan ji ber sedemên curbicur hatine dirêjkirin.&nbsp;

	&nbsp;

	Hat ragihandin ku li girtîgehên Riha, Sêwreg û Osmaniyeyê, înfaza hin girtiyan çend caran hatiye paşxistin, an jî cezayên wan bi rêya "şewitandina înfazê" bi hinceta cezayên dîsîplînê hatine dirêjkirin.

	&nbsp;

	Her wiha hat gotin ku hin girtî demeke dirêj di hucreyên yekkesî de mane, xwegihîştina wan ji çalakiyên civakî û çandî re hatiye qedexekirin. Her wiha hat destnîşankirin ku di dema lêgerînên hucreyan de, eşya tên belwelakirin û tiştên kesane tên texrîbkirin.&nbsp;

	&nbsp;

	Meral Halat got ku ev pêkanîn nîşan didinev êkanîn di pergala cezayî de îşaret bi binpêkirinên mafan dikin û got ku bi taybetî li dijî girtiyên siyasî cudakarî heye.&nbsp;