Li Peyasê jin li parkan kom dibin

2026-07-29 11:10:42


	 

	AMED -Gerînendetiya Polîtîkayên Jinan a Şaredariya Peyasê, ji bo xurtkirina hevgirtinê û têkoşîna lidijî tundiya li ser jinan, dest bi rêzeçalakiyekê dike. Di çarçoveya vê xebatê de, di navbera mehên tîrmeh û îlonê de li şeş parkên cuda dê rêzecivîn bên lidarxistin.

	 

	Gerînendetiya Polîtîkayên Jinan a Şaredariya Peyasê, bi armanca bilindkirina hişmendiya li dijî tundiyê û diyarkirina gavên hevpar ên têkoşînê, di bin dirûşma “Gotina me neqediya ye, em ê tundiyê bi hev re bisekinînin!” de çalakiyan li dar dixe. Li gorî vê yekê, jin dê di navbera  29’ê tîrmehê û 2’ê îlonê de li şeş parkên cuda bên gel hev.

	 

	Gerînendetiyê di daxuyaniya xwe de ev tişt anîn ziman:

	 

	“Li dijî tundiya li ser jinan em li hev kom dibin, hev digirin, xwe birêxistin dikin û bi hev re

	 

	têdikoşin. Li parkan em ê bi jinan re werin gel hev û li ser mekanîzmayên têkoşîna li dijî

	 

	tundiyê gotûbêj bikin. Ji ber vê yekê em dibêjin: ‘Gotina me neqediya ye, em ê bi hev re

	 

	tundiyê bidin sekinandin!’”

	 

	Bernameya kombûna li parkan wiha ye:

	 

	29.07.2026 Parka Rojava 19.30

	 

	05.08.2026 Parka Ekînê 19.30

	 

	12.08.2026 Park 75 19.30

	 

	19.08.2026 Parka Ahmed Arîf 19.30

	 

	26.08.2026 Parka Zambakê19.30

	 

	02.09.2026 Parka Mûsa Anter 19.30