
Amerîkaya Latîn ji bo Rojava banga piştevaniyê kir 

2026-01-28 13:17:27


	&nbsp;

	NAVENDA NÛÇEYAN - Parlamenterên Partiya Sosyalîzm û Azadiyê ya Brezîlyayê (PSOL) û Eniya Çepgiran a Arjantînê (Frente de Izquierda) êrîşên li ser Rojava banga piştevaniya navneteweyî kirin.

	&nbsp;

	Parlamenterên Partiya Sosyalîzm û Azadiyê ya Brezîlyayê (PSOL) û Eniya Çepgiran a Arjantînê (Frente de Izquierda) di daxuyanî û peyama xwe ya bidîmen de nerazîbûnên xwe nîşanî êrîşên çeteyên hikumeta û dewleta Tirk dan.

	&nbsp;

	Rêveberiya Neteweyî ya PSOL’ê da zanîn ku êrîşên li ser Rêveberiya Xweser a Bakur û Rojhilatê Sûriyeyê (DAANNES) li hemberî rêveberiya demokratîk û gelparêz êrîşeke rasterast e.

	&nbsp;

	Di daxuyaniyê de hate diyarkirin ku ev pêvajo gefê li yek ji tecrûbeyên Rojhilata Navîn ên herî civakî û demokratîk dixwe û bal kişand ser zextên siyasî, paşveçûna têkildarî mafên jinan û zexta li ser rêveberên xwecihî. &nbsp;SPOL’ê bang kir ku DAANNES di qada navneteweyî de were naskirin.

	&nbsp;

	Parlamentera Eyaleta Buenis Aires a Yekîtiya Eniya Çepgiran a Arjantînê Monica Schlothauer jî di peyama xwe ya bidîmen de erîş weke ‘’polîtîkayeke qetlîamker’’ pênase kir.

	&nbsp;

	Monica Schlothauer diyar kir ku ew piştgiriyê didin têkoşîna gelê Kurd a azadî û diyarkirina çarenûsa xwe û da zanîn ku wan pêşnûmaya şermezarkirin û piştevaniyê pêşkêşî Meclîsa Eyaleta Buenis Airesê kiriye. Di peyama &nbsp;xwe de bi taybetî berxwedana jinan a li Rojava silav kir.

	&nbsp;

	Parlamentera PSOL’ê Maria Naconchi jî diyar kir ku êrîş di berpirsiyariya hêzên herêmî û navneteweyî de dest pê kirine, anî ziman ku parastina tecrûbeya li Rojava ya gelparêz û azadiya jinan esas digire, &nbsp;ji aliyê têkoşîna gelên cîhanê ve gelekî girîng e û banga xurtkirina piştevaniya navneteweyî kir.

	&nbsp;