
Jin ji bo parastina destkeftiyên şoreşê derketin qadan 

2026-01-31 13:40:24


	&nbsp;

	NAVENDA NÛÇEYAN - Jinên bajarê Qamişloyê û navçeyên wê yên Bakur û Rojhilatê Sûriyeyê bi pêşengtiya Kongra Star, ji bo parastina destkeftiyê şoreşê û piştgiriya berxwedana gel daketin qadan.

	&nbsp;

	Jinên bajarê Qamişlo û navçeyên wê bi pêşengtiya Kongra Star, ji bo meşa navneteweyî ya cîhanî ya ku ji aliyê Înîsiyatîfa Jinan ve hatibû destpêkirin, parastina destkeftiyên şoreşê û piştgiriya berxwedana gel, dest bi xwepêşandanê kirin. Ev gav mezinahiya berpirsyariya dîrokî ya ku jin di parastina şoreşa jinan û parastina destkeftiyên wê de hildigrin nîşan dide. Xwepêşandan bi tevlîbûna bi sedan jinan, li bajarê Qamişlo li ber Çarxereya Darê ya Stadyûma şehîdên 12'yê Adarê dest pê kir.

	&nbsp;

	Piştî deqeyek rêzgirtin Berdevka Kongra Star Rîham Loqo axivî û da zanîn ku ji po parastina destkeftiyên Şoreşa Jinê ji qada berxwedana têkoşînê, YPJ’ê silav dikin. Rîham Loqo bal kişand ser qadên şoreşa jinê û berxwedana rûmetê ku bê navber li hember van hişmendiyên desthilatdar û sîstema sed salî didomin û wiha got: “Dixwazin hebûna jinan tune bikin, lê jinên Kurd bê navber li hember van desthilatdaran bi wêrekî û felsefeya Rêber Apo sekinîn û daketin qadên şoreşa jinê. Jinan bi dengekî bilind felsefeya Jin Jiyan Azadî bilind kirin, dan zanîn ku wê sedsala 21’an sedsala azadiya jinan be û jin di van sîsteman de mînakan ava bike her wiha wê bibe sedsala azadiya gelê azadîxwaz. Sîstema ku jinan pêşengtiya wê kir ku bi rengekî demokrasî û aştî ava kirin, ev sîstema ku jinan pêşengtiya wê kir, wê tu carî têk neçe û em ê van destkeftiyan biparêzin.”

	&nbsp;

	Xwepêşandan bi dirûşmeya “Jin Jiyan Azadî” bi dawî bû.

	&nbsp;

	&nbsp;

	&nbsp;