Kurd ji bo Rojava li Canberrayê li hev civiyan

2026-02-05 11:56:27


	 

	NAVENDA NÛÇEYAN - Li dijî êrişên li ser gelê Kurd ê li Rojavayê Kurdistanê, li ber parlamenta li bajarê Canberra yê Awûstralyayê çalakiya şermezarkirinê hate lidarxistin.

	 

	Kurdistaniyên li bajarên cuda yên Awûstralyayê li gel dostên xwe li Canberrayê li hev civiyan û fikarên xwe yên li ser Rojava nîşan dan.

	 

	Senatorê Green Party David Shoebridge beşdarî çalakiya şermezarkirinê bû û anî ziman ku divê destketiyên Rojava bêne parastin. Senator David Shoebridge diyar kir ku gelê Kurd bi berdêlên giran ev destketî bi dest xistin.

	 

	Endamê Meclîsa Konseya Rojava Navîn a NSW'ê Îsmet Taştan, Hevserokê Federasyona Civaka Kurd a Demokratîk Brûsk Aeiveri û Berdevkê KNK'ê Heval Herkî li çalakiyê axivîn û destnîşan kirin ku gelê Kurd ji her demê bêhtir pêwîstiyê bi yekîtiyê dibîne û ji bo parastina Rojava banga yekîtiyê li gelê Kurd û dostan kirin.