
Li Îranê jinek bi îşkenceyê hat binçavkirin 

2026-09-30 18:54:22


	&nbsp;

	NAVENDA NÛÇEYAN - Hêzên rejîma Îranê, li Urmiyeyê bi ser mala pispora nexweşiyên hundirîn Beyan Salihiyan a 43 salî de girtin. Hate diyarkirin ku Beyan Salihiyan di dema binçavkirinê de, hatiye êşkencekirin û dest danîne ser telefon û kompûterê wê.

	&nbsp;

	Hêzên ewlehiyê yên Îranê, di 27’ê Îlona 2026’an de li Urmiyeyê bi ser mala pispora nexweşiyên hundirîn Beyan Salihiyan a 43 salî de girtin.

	&nbsp;

	Hate diyarkirin ku di dema binçavkirina Beyan Salihiyan ji aliyê hêzên rejîmê ve hatiye îşkecekirin. Hate ragihandin ku hêzên ewlehiyê li malê lêgerînekî berfireh kirine û dest danîne ser telefon û kompûtera Beyan Salihiyan.

	&nbsp;

	Hîna nayê zanîn ku bê ka Beyan Salihiyan ji ber çi hatiye binçavkirin, ji bo çi tê sûcdarkirin û li ku derê tê girtin.

	&nbsp;

	Di sala 2022’an de hatibû binçavkirin

	&nbsp;

	Hate diyarkirin ku Beyan Salihiyan ku li Seqîzê ji dayik bûye û li Urmiyeyê jiyan dike, berê di payîza 2022’an de, di dema tevgera “Jin, Jiyan, Azadî” de bi du bijîşkên ji Seqîzê ve demekî binçav hatiye girtin.

	&nbsp;

	Piştre, ji aliyê Dadgeha Şoreşê ya Seqîzê ve bi sûcdarkirina “bi weşandina naverokên li ser înternetê, propagandaya li dijî dewletê” 8 meh cezayê girtîgehê li Beyan Salihiyan hatibû birîn. Hate diyarkirin ku cezayê girtîhehê piştre veguheriye cezayê pereyê ya 20 milyon tumen.

	&nbsp;