Derheqê Rojîn Kabaîş de eşkerayîye: Ma do proses taqîb bikerê  

2026-03-10 14:58:15


	 

	WAN - Baroyê Wanî, eşkerayîya derheqê nêeşkayîşê akerdişê telefonê Rojin Kabaiş ke Spanyayî rê amebî şirawitiş de, va, "Ma do proses taqîb bikerê ke bi hawayêk zelal û bi tesîr bêro domnayîş."

	 

	Baroyê Wanî derheqê raporo ke nêeşkayîşê akerdişê telefonê Rojin Kabaiş ke Spanya rê amebî şirawitiş de eşkerayîyêke nuşteyî weşan kerd.

	 

	'Ma do proses taqîb bikerê'

	 

	Eşkerayîye wina ya: "Dewaya Rojin Kabaiş de, yeno zanayîş ke telefonê heta nika nêame akerdiş, semedê dîyarkerdişê muhtewayê ci, antişê fotografan û caardişê cigêrayîşêk teknîkî Spanya rê ame şirawitiş. Labelê, raporê tewr peyîn mojneno ke resnayîşê temamê cîhazî mimkun nîyo; tena cigêrayîşêk qismî yê muhtewayê ci ameyo kerdiş. Cigêrayîş temamî û paştrastkerdişî yê dayeyê dîjîtalî semedê eşkerakerdişê rastî zaf muhîm o. Ma bi rêzdarî raya pêroyî agahdar kenê ke ma do proses bi hawayêk şefaf û bi bandor taqîb bikerê.”