Nergis Mohammadî berdî nêweşxane 

2026-05-02 15:06:34


	 

	MERKEZÊ XEBERAN - Çalakîkera tepişte Nergîs Mohammadî dimayê ke di reyan Zîndanê Zencanî de hişê xo ra şîye, krîzê kelbî vîyarna.

	 

	Goreyê Weqfê Nergîs Mohammadî, çalakîkere Nergîs Mohammadî dimayê ke di reyan hişê xo ra şîya krîzê qelbî vîyarna, Weqfê Nergîs Mohammadî çalakîkera ke Zîndanê Zanjanî de tepişte ya, eşkera kerd ke dimayê di reyan zereyê Zîndanê Zanjanî de hişê xo ra şîye, krîzê qelbî vîyarnaye.

	 

	Avûkatê aye Mostafa Nîlî, platformê Xî ra dîyar kerd ke muwekîla ci 30ê nîsane roja pencşeme hişê xo ra şîya û aye berdî nêweşxaneyê beşê lezkî.

	 

	Mostafa Nîlî eşkera kerd ke rojê peyêne de tansiyona aye berz bîya û sîneyê aye dijayo. Sewbîna dîyar kerd ke rewşa aye dima ra xerabêr bîya û no bîyo sebeb ke norolog aye zîndan de muayene bikero.

	 

	Verê zî keyeyê Nergîs Muhammadî hişyarî ser xerabbîyayîşê weşîyeyê aye kerdibî, îdîa kerdibî ke selahîyetdaranê Îranî pêwa raporê doktorî yê fermî ke hewcedarîya aye ya krîtîk semedê ewnîyayîşê piştrast kenê, dermankerdiş aye red kenê.

	 

	No averşîyayîş demêk de pê yeno ke rexneyê mîyanneteweyî yê ser tomarê heqê merdiman ê Îranî, bi taybetî derheqê dermankerdiş ê tepişteyanê sîyasî û bêparkerdişê înan ewnîyayîşê doktorî yê lazim de, zêde benê.​​​​​​​​​​​​​​​​