Sêwrege de tarîx beno sergo 2026-05-11 10:14:47   Evîn Çîftçî   RIHA - Qezaya Sêwrege ya Rihayî de Hemamê Abdal Agayî seba bêeleqeyî açaryayo warê sergoyî.   Kurdistan de her gama ke erzîyena rêçê tarîxî est ê û vera nê zî polîtîkayê înkar û asîmîlasyonî hedef kenê ke nê vîrî pak bikerê. Wareyê tarîxî nînê restorekerdiş û nînê pawitiş. Terkê çinkerdişî benê. Riha de cayê tarîxî bi nê nêzdîbîyayîşî yenê çinkerdiş.   ‘Ma destpêkê tarîxî de nimitê yê’     Yew rayîrê sereyîn ê înkarkerdişê bîyayîşê şarî; çinkerdişê ziwan, tarîx û kulturî yo. Kurdistan de nimûneyê nê çîyî zaf zêde yê. Berardişê "Tarîx roja ma de, ma tarîx de nimite yê" yê Rayberê Şarê Kurdî Abdullah Ocalanî yo ke serranê 2000î de weşanxaneyê Aramî ra vejîyayo de zî yeno dîyarkerdiş ke tarîx sey prosesêko dînamîk o.   Sey sergoyî yeno şuxulnayene     Hemamê Abdal Agayî yo tarîxî ke Qezaya Sêwrege ya Rihayî de yo, seba xirabkerdişî rijyeno. Tarîxê viraştişê ey tam nîno zanayene labelê goreyê hîn çimeyan wextê Osmanîyan de no hemam ameyo viraştene. Bi qerarê hûmara 3342ine yê Heyetê Pawitişê Bîyayîşanê Kulturî yê Amedî binê pawitişî de yo, labelê pêwa nê zî nîno restorekerdiş. Hemamê Abdal Agayî yo ke vera Keleya Sêwrege de yo, tena awanîyêka tarîxî nîyo, eynî wextî de nimûneyêk somutî yê îhmalkerî yo zî. Mîyanê ci pirrî çop o û dorme ra boye yena. Seba bêeleqeyî beşêko pîl texrîb bîyo.