Astengkerdişê tehlîyeyan ê Sîncanî verê Wezaretê Edaletî de ame protestokerdiş 

2026-10-12 15:29:23


	 

	ANQARA - Platformê Sazgehanê Demokratîkan astengkerdişê tehliyan ê Zîndanê Cinîyanê Sîncanî vernîya Wezaretê Edaletî protesto kerd û dîyar kerd ke azadîya di wayê tepişteyî Nuriye Adet û Devrîm Gulşen Adete 7 serrî yo yena xeskerdiş.

	 

	Platformê Sazgehanê Demokratîkan, semedê tepişteyanê ke tehlîyeyê înan Zîndana Cinîyanê Sîncanî de yenê astengkerdiş vernîya Wezareta Edaletî eşkerayî da. Eşkerayîye de dowîzanê bi nuştişê "Deng bido zîndana cinîyanê Sîncanî" ameyî berzkerdîş û sloganê "Wa tepişteyanê sîyasî serbest bêrê veradayîş" ameyî berzkerdîş. Nesîl Çîftçî ya ke ser nameyê platformî eşkerayî da, vîr da ke tehliyan Nuriye Adet û Devrîm Gulşen Adetî yê ke 32 serrî û nîmêk o tepişte yê cara pêncemîne ame taloqkerdiş û va: "Heqê azadîye yê di xwişkan bi pêroyî heft serrî destê înan ra ame girewtiş."

	 

	Nesîl Çîftçî dîyar kerd ke tehlîyeyê di wayê tepişteyî hetê Heyetê Îdarî û Taqîbkerdişî ra bi sebebanê veng yenê astengkerdiş û dîyar kerd ke qerarê astengkerdişî keyfî yo û nê çî va: "Heyetê Îdarî û Taqîbkerdişî suc kenê, hema hema sey dadgehêk paralel têgêrenê. Dosyayê ke tepişteyî înan dir ameyî muhakemekerdiş, ceza girewtî û cezayê xo înfaz kerdî de muhakemeyê dîyine kenê. Sînorê huqûqî derbaz beno, xo sey meqamê edaletî vînenê û azadîya tepişteyan bi qerarê keyfî asteng kenê. Lazim o ke lezkî wezîfeyê xo bica bîyarê. Çimanê xo nê nêzelalîye û bêhuqûqîye ra nêgîrê. Peynî bidê astengkerdişê tehliyanê tepişteyanê polîtîkan ê bi sebebanê keyfî. Nuriye Adet û Devrîm Gulşen Adet sere de, heqê azadîye yê heme tepişteyanê ke heqê tehliyeyê înan yeno astengkerdiş qebul bikerê."