Devrim Findik

 

STENBOL - Aktîvîsta TJA’yî Yagmur Yurtsever dîyar kerd ke camêrdî bi asanî fikrîyenê û vanê “pers nînê perskerdiş, cipersayîşî nînê kerdiş” û cinîyan kişenê. Yagmur Yurtsever va cinî bawerîya xo bi mekanîzmayê dewlete nêanê.

 

Her çend hêrişê Tirkîya de hemverê cinîyan bîyê qirkerdiş zî, polîtîkaya bêcezakerdiş û vindîkerdişê mekanîzmayê vernîgirewtişî hukmatî cuyayîşê cinîyan tarî kena. Aktîvîsta Têgêrayîşê Cinîyanê Azad (TJA) Yagmur Yurtsever kiştişê cinîyan ê peyên Stenbol û dayeyê şîdeta hemverê cinîyan semedê ajansa ma ercnayîş kerd.

 

Yagmur Yurtsever dîyar kerd ke her çend Stenbol bajarêk ke têkoşînê cinîyan ci xurt bo zî, ê hetê hovîtî û xidarbîyayîşê şîdetê cinîyan ser o rewşêka xirab dir rî bi rî ya. Yagmur Yurtsever dîyar kerd ke hovîtî û cewherê nefretî yê kiştişê cinîyan demê peyên de bi domnayîşî zêde bena. Yagmur Yurtsever wina dewam kerd: “Stenbol, pêwa sewîyeya berz a têkoşîn û xoverdayîşê cinîyan, cayêko ke sewîyeya şîdetî ci berz û xidar a. Ma bi rewşêka rî bi rî yê ke camêrd her şinê hovêr benê û kiştişê cinîyan her şino bi nefretî zêde beno. Camêrd cinîyan perçekerdişê bedenê înan kişenê, semedê nefretêk rastîn û waştişê çinkerdişî. Lazim o ke merdim fehm bikero ke no tenya kiştişêk asayî yo.”

 

‘Metodê kiştişî bi şeklê DAIŞ’î yo’  

 

Yagmur Yurtsever dîyar kerd ke çîyê ke qewimyenê tenya Stenbol de yan Tirkîya ya û va ke polîtîkayê şerê kûrêr û bêqanûnî dinya benê sebeb ke şîdetê hemverê cinîyan bi hawayêk xidarêr vejîyo orte. Yagmur Yurtsever sewbîna destnîşan kerd ke xeylêk kiştişê cinîyan sey “mergê gumanbar” yenê tomarkerdiş û va ke nê camêrdan hîn bi cesaret kena û wina dewam kerd: “Ewro ma behsê tewirê şerê gerdûnî kenê. Tirkîya de zî dewletêka normî û cimatêk normî vejîya orte. Cuyayîşêka kuçeyan est a ke cimatî nîya, hetê çeteyan ra yenê îdarekerdiş. Cuyayîşêka rojane est a ke bi bêqanûnî aver şina. Nê ser de herre, ma kiştişî dir rî bi rî yê ke ma vanê bi şekilê DAIŞ’î, labelê nika hewl danê xo sey norm ferz bikero. Camêrd bi nê rehetî bedenê cinîyan perçe kenê.”

 

‘Bêcezakerdiş Stenbol de zêde bîyo’

 

Yagmur Yurtsever dîyar kerd ke Stenbol bîyo cayêk ke hem polîtîkayê dewlete yê neasayî û hem zî çalakîyê çeteyan ci kom bîyê û va: “Nê semedî dir Stenbol bîyo yew bajaro ke şekilê tewr xidar ê şîdetê hemverê cinîyan ci tewr zêde aseno. Bêcezakerdiş Stenbol de zêde bîyo.”

 

‘Cinî bawerîya xo bi mekanîzmayê dewlete nêanê’

 

Yagmur Yurtsever dîyar kerd ke cinî bawerîya xo bi mekanîzmayê ke eşkenê hemverê şîdetî muracat bikerê nêanê û va ke heqê ke têkoşînê rêxistinê cinîyan dir bidest ameyî zî bi tesîr nînê caardiş. Yagmur Yurtsever va: “Rêxistinê cinîyan bi têkoşînê xo xeylêk destkewte bidest anê, stargehan bigîrê heta mekanîzmayê muracatî. Labelê ewro cinî nêwazenê şêrê nê mekanîzmayê ke şîdetî neql bikerê. Semedo ke bawerîya xo bi înan nêanê.” Yagmur Yurtsever destnîşan kerd ke cinî stargehê ke hetê dewlete ra ameyî akerdişî zî sey cayê asayîş nêvînenê û înan sey ‘herêmê îzolekerdişî’ bi name kenê.

 

‘Cinî têkoşînêk xurt domnenê’

 

Yagmur Yurtsever qetî kerd ke cinî pêws nê fotografê tersonek ê şîdetî zî têkoşînêk pîl domnenê û wina peynî da: “Serdemê ke şîdet xeylêk zêde bîyo de, rêxistinbîyayîşêk pîl a cinîyan û hişmendîyê cinîyan zî vejeno orte. Ma, heme cinî bi pîya, tîya, nika têkoşîn kenê ke cuyayîşêka kolektîf û azad awan bikerê.”