AMED - Civîna destpêkê ya atolyeya bi navê “Ji Zanatiya Kevn Ber bi Jiyana Azad Ve” ku ji aliyê Gerînendetiya Polîtîkayên Jinan a Şaredariya Peyasê ve hat organîzekirin, li Pirtûkxaneya Hilberînên Jinan a Peyasê pêk hat. Di komxebata yekemîn a bi sernavê “Zayendiya Civakî” de, jinan bi beşdariyeke berbiçav li ser mijarên girîng nîqaş kirin.

 

Civîna destpêkê ya atolyeya bi navê “Ji Zanatiya Kevn Ber bi Jiyana Azad Ve” ku ji aliyê Gerînendetiya Polîtîkayên Jinan a Şaredariya Peyasê ve hat organîzekirin, li Pirtûkxaneya Hilberînên Jinan a Peyasê pêk hat. Di civînê de Hevşaredara Peyasê Bêrîvan Gulşen Sîncar, cîgirên hevşaredar û gelek aktîvîstên rêxistinên jinan amade bûn. Panelîst Rojda Yildiz ku di destpêka civînê de axivî, zanîn û tecrubeyên xwe yên derbarê “Zayendiya Civakî” bi beşdaran re parve kir. 

 

Rojda Yildiz, di bin sernavên girîng de, li gorî serpêhatiyên dîrokî û şertên heyî, rolên jinbûn û mêrbûnê yên ku di civakê de hatine avakirin, rave kir. Wê di axaftina xwe de bal kişand ser girîngiya tevkariya jinan bi mînakên ji jiyana rojane û wiha got: “Jin bi tecrubeyên xwe yên rojane tevkariyê li jiyanê dikin û bi vî awayî qadeke hevpar a hêzdar diafirînin. Em ê bi hev re bifikirin, hilberînin û bi hêztir tevbigerin.” Wê her wiha tekezî li ser yekîtî û hilberîna hevpar nêrînên xwe rave kir.

 

Civîna yekemîn a komxebatê bi pirsên beşdaran û bersivên înteraktîf bi dawî bû. Armanca rêzeya komxebatan a “Ji Zanatiya Kevn Ber bi Jiyana Azad ve” ew e ku di mijarên civakî de hişyariyê zêde bike û bi hêzkirina jinan re bibe alîkar.