WAN - Deniz Fırat, ku di êrîşa DAIŞ'ê de jiyana xwe ji dest da, ji aliyê MKG, DFG û hevpişeyên xwe ve li ser gora xwe hat bîranîn. Endama DFG û MKG'ê Oznur Değer di bîranînê de axivî û got, "Çawa ku me pênûsa Deniz Fırat li erdê nehişt, em ê pênûsa hevalên xwe yên din jî li erdê nehêlin."

 

Rojnamevan Deniz Fırat ku di 8'ê Tebaxa 2014'an de di êrîşa DAIŞ'ê ya li ser Wargeha Penaberan a Maxmûrê ya Herêma Başûrê Kurdistanê de jiyana xwe ji dest da, di 11'emîn salvegera qetilkirina xwe de li ser gora xwe ya li taxa Xeçxatûn a navçeya Ebex a Wanê hat bîranîn. Komeleya Rojnamegerên Jin a Mezopotamyayê (MKG), Komeleya Rojnamegeran a Dîcle Firatê (DFG) û gelek rojnamevan, malbata Deniz Firat, rêveberên  DEM Partiyê, parlamenterên  DEM Partiyê Gulderen Varli û Mahmut Dindar û Dayikên Aştiyê beşdarî bîranînê bûn.

 

'Em ê qelemên hevalên xwe di tozê de nehêlin'

 

Endama DFG û MKG'ê Oznur Değer di bîranînê ku bi rêzgirtinê dest pê kir, axivî û girîngiya kûr a her rojê li Kurdistanê destnîşan kir û got, "Wateya îro têkoşîna Deniz Fırat e. Deniz Fırat dema ku wekî rojnameger nûçe dişopand di êrîşeke DAIŞ'ê de jiyana xwe ji dest da. Em bi rêzdarî li ber têkoşîna wî bejna xwe ditewînin. Çapemeniya azad ji salên 1990'î vir ve di têkoşîneke mezin de ye. Çawa ku me pênûsa Deniz Fırat li erdê nehişt em ê ya hevalên xwe yên din jî li erdê nehêlin. Dema ku em li jiyana Deniz Fırat dinêrin mirov gelek hestiyar dibe. Wê ji temenê ciwaniyê heta jiyana xwe ji dest da şahidiya zilmê kir. Li dijî van hemûyan, ew tevlî refên azadiyê bû."

 

'Em ê li ser rêya Deniz Fırat û hevalên wî bisekinin'

 

Oznur Değer behsa pêvajoya berdewam kir û got, "Ev pêvajo bi saya têkoşîna Deniz Fırat û hevalên wî ye. Em j soz didin: em ê li ser rêya Deniz Fırat û hevalên wÊ bisekinin. Wekî çapemeniya azad, barekî mezin dikeve ser milên me. Lê em ji têkoşîn û êşa hevalên xwe hêzê digirin û em ê têkoşîna xwe bidomînin. Wekî çapemeniya azad, em ê li ser rêya azadî, aştî û civaka demokratîk bisekinin."

 

'Em heta li ser gorê jî di bin dorpêçê de ne'

 

PiştRE, birayê mezin ê Deniz Fırat, Seyat Yildiztan, got, "Deniz Fırat di sala 1999'an de bi hemû malbata xwe re koç kir. Em li ber têkoşîna hemû kesên ku di vê têkoşînê de şehîd bûne, bejna xwe ditewînin. Em ê her tiştî bikin da ku pêvajoya heyî bigihînin encamê. Em hatin ku goristanê ziyaret bikin, lê hem di dorpêçê de ne. Bi vî rengî aştî nayê bidestxistin. Em aştî û wekheviyê dixwazin; tu daxwaza me ya din tune ye."

 

Navekî din ê pêvajoya aştiyê  Denîz e'

 

Parlamentera DEM Partiyê Gulderen Varli di dawiya axaftina xwe de got, "Gotinên ku li ser gora hevala min hatine nivîsandin ev in:  Dibe ku bi salan em hatibin paştguhkirin, lê têkoşîna me pir mezin bû.  Belê, heval Deniz, te rêya me ronî kir û nîşanî me jinan da ku  em  jin çawa dikarin têkoşîna xwe bilind bikin.  Îro, navekî din ê pêvajoya aştiyê Denîz e. Em ji te re spasdar in.”

 

Biranîn bi danîna qurnefîla li ser gora Deniz Fırat bi dawî bû.