ANQARA - Tahlîyeyê 5 tepişteyan zîndanê Cinîyan ê Sîncanî ke tepişteyî hetê Heyetê Îdarî û Taqîbkerdişî ra bi hawayêk sîstematîk û sebebê kêfî yenê astengkerdiş.

 

Tepişteyê bi nameyê Nedîme Yaklav, Gulşah Adet, Nuriye Adet, Zelîha Usta Baş û Seermîn Dermîrbag yê lîsteyê tepişteyanê nêweşî yê Komeleya Heqê Merdiman (ÎHD) de yê û xeylê înan 30 serrî yo tepişte yê, tahlîyeyê înan hetê Heyetê Îdarî û Taqîbkerdişî ra bi hawayêk sîstematîk û sebebebê keyfî yenê astengkerdiş.

 

Heyet mekanîzmayê zûran ser o şuxilênê

 

Nedîme Yaklav yê Zîndanê Cinîyan ê Sîncanî de tepişte ya, 1994ine de ame destbenkerdiş û badê bi îdiayê ‘yewîya dewlete xira kerda’ cezaya muebetî la amî birnayîş. Nedîme Yaklav pêwa ke 1ê nîsane 2023ine de înfazê aye temam bîyo zî hetê Heyetê Îdarî û Taqîbkerdişî ra tahliyeyê aye yê bi şert di rey 3 aşmî, di rey 6 aşmî û 9 aşmî bi pêroyî 5 rey ame taloqkerdiş. Nedîme Yaklav erjnayîşê hîrêne de waşt ke dozgerî zî erjnatîş de ca bigîro la pêwa nê nêame qebûlkerdiş.

 

Zehra Ustabaş di rey înfazê aye ame veşnayîş

 

Zehra Ustabaş zî 24ê temmuze de 2024ine de pêwa înfazê cezaya aye temam bî, tahlîyeyê aye yê bi şert 18ê hezîrana 2024ine de reyke bi pêroyî di rey tahlîyeyê aye ame astengkerdiş. Tahliyekerdişê aye heyetê heyetî ra bi sebebê keyfî yê sey semedê tewrbîyayîşû komelî hazir nîyê ame astengkerdiş.

 

Qerarê keyfî yê ÎGK’yî huqûqî ra bêpar ê

 

Nuriye Adest zî yew cinîyê ke înfazê aye di rey ame taloqkerdiş a. 29ê çeleyê 2024ine de hîrê aşmî 23ê gulana 2024ine de zî 6 aşmî bi pêroyî di rey tahliyeyê aye ame astengkerdiş. Heyetî erjnayîşê derheqê Nuriye Adet de zî sey tepiştişê bi sebebê semedê tewrbîyayîşê komelî amade nîya ame veşnayîş.

 

Tahliyeyê Sermîn Demîrdag 6 rey yê Gulşen Adet 2 rey asteng kerdî

 

Înfazê tepişteya bi nameyê Gulşen Adest 21ê Adara 2024ine de hîrê aşmî, 18ê hezîrana 2024ine de zî 6 aşmî bi pêroyî di rey ame astengkerdiş. Ya Sermîn Demîrdag zî 23ê çeleyê 2023ine de di rey her rey hîrê aşmî, hîrê rey zî her rey 6 aşmî û dima ra zî 9 aşmî bi pêroyî 6 rey ame veşnayîş. No caardişê keyfî zîndanê Sîncanî yê Cinîyan de bi hawayêko sîstematîk pê yeno.

 

Proseso ke 10. pakêta hukmî yê newe bêro meclîs, helwestê keyfî yê Heyetê Îdarî û Taqîbkerdişî yenê munaqeşekerdiş û yeno waştiş ke no heyet bi pêroyî bêro wedaritiş yan zî temamî bêro vurnayîş. OHD, komîsyonê Huqûqî yê DEM Partîye û parlamenteran no waştiş bi desan rey ard ziwan. La pêwa pêro waştişan bi qerarê heyetî tahliyeyê tepişteyan bi hawayêko keyfî yenê astengkerdiş.