STENBOL - ÎSÎG’î neql kerd ke 12 serrê peyînî de tewr tay 2 hezar û 728 ciwanî cînayetê karî de dinyaya xo bedelnayî. 

 

Meclîsê Weşîye û Asayîşê Karî (ÎSÎG) raporê xo yê “Cînayetê Karî yê Karkerê Ciwanan” ê mabêne 2013 û 4 aşmî ewilî yê serra 2025. de eşkera kerd. Rapor de ame vatiş ke mîyanê nê 12 serran de tewr tay 2 hezar û 728 ciwanî cînayetê karî de dinyaya xo bedelnayî. Ame dîyarkerdiş ke ciwanê ke dinyaya xo bedelnayî 22 ci ra 18 serre bî, hezar û 214 ci mabêne 19-22 serrî de bî û yê bînî zî emrê înan mabêne 23-25 serrî de bî. Ame vatiş ke ciwanê ke dinyaya xo bedelnayî 284 ci ra multecî yan zî koçber bî. 

 

Ame dîyarkerdiş ke se ra 26 ciwanê karkerî yê ke karkerê înşaetî bî dinyaya xo bedelnayî û tewr tay 6 ci ra karkerê metalî bî. Beşê “goreyê sebebê merdişan” de zî ame vatiş ke se ra 24 ciwanê ke qezayê trafîkî de, se ra 16 ci ra cayê berzî ra kewtê war, se ra 15 ci ra semedê sebebê sey pelçiqnayîş/hezazî ra dinyaya xo bedelnayê. 

 

Rapor de ame dîyarkerdiş ke tewr zêde merg Stenbol, Antalya, Konya, Îzmîr û Anqara de bîyê.