MERKEZÊ XEBERAN- Çalakîya şarê Mexmûrî yê hemverê tepiştiş û ambargoyê hukmatê Iraqî yê verê bendê kontrolî yê hêzê Iraqî roja 5ine de bi qerardarîyêk xurt dewam kena.

 

Heyetêk Meclîsê Şarî yê Mexmûrî ke semedê ambargoyê Iraqî û problemê Wargehê Mexmûrî şîbî Bexda, badê pêvînayîşê Wezîrê Edaletî dir qediya, wexto ke agêrayîne Wargeh tepişyayî.

 

15ê Gulane de şarê Mexmûrî hemverê tepiştişê heyetê meclîs û zêdebîyayîşê zext û tehdîdê hukmatê Iraqî yê hemverê şarê Mexmûrî heta bendê kontrolî yê Iraqê rayîr ra şîyî. Girseyê şarî semedê wayîrvejîyayîşê îradeyê xo, çadira çalakî dayî ro. Çalakî roja xo ya 5ine de bi qerardarî dewam kena.

 

Eynî wextî de çalakîlerê Mexmûrî dîyar kenê ke heta endamê heyetî nêrê veradayîş û rayîrê şîyayîşî nêrû akerdiş do çalakîya xo dewam bikerê.