AMED - Kayê tîyatroyî yê bi nameyê  'Pergal' hetê şarî ra bi coşt ame pêşwazîkerdiş.

 

Tîyatroyê bi nameyê 'Pergal' ke hetê Şaredarîya Peyasî ra çarçewaya pîrozbayîyê 15ê Gulane Roja Ziwanê Kurdkî de ame organîzekerdiş, hetê temaşekeran ra balêk pîl ant xo ser. Tîyatro rê Hemşaredaranê Peyasî Bêrîvan Gulşen Sîncar û Cengîz Dundar, eynî wextî de hetkarê hemşaredaran, encûmenê şaredarî û xeylêk hemwelatî beşdar bî.

 

Tîyatro, hetê Mudirîyê Kultur û Karê Komelî ra ame organîzekerdiş, komelê ke demokrasî ci de çin ê bi ziwanêk îronîk nêrazîbîyayîşê şarî yê hemverê îqtîdar û serdestan ano sehne ser. 'Pergal' semedê mesajê xo yê xurt pesindayîşê pozîtîf temaşekeran ra girewt û bi çepikan ame peynîkerdiş.