STENBOL -Rojnamegere Gulîstan Dursun semedo ke tewrê çalakîya şermezarkerdişê qetilkerdişê meslegdaranê xo Gulîstan Tara û Hêro Bahadîn bî, semedê îfadedayîşî veng dîya.

 

Rojnamegere Gulîstan Dursun semedo ke beşdarê çalakîya protestokerdişê qetilkerdişê rojnamegere Gulîstan Tara û Hêro Bahadîn yê 23ê tebaxa 2024ine de bajarê Silêmanî yê Herêma Başûrê Kurdistanî de netîceya hêrişê SÎHA'yî de ameyî qetilkerdiş, semedê îfadedayîşî veng dayî. 

 

Gulistan Dursun ke Mudirîyê Emniyetî yê Stenbolî bi îdiayê "propagandayê rêxistine" îfade da, bi sebebê ke 26ê tebaxa 2024ine de Meydanê Şîşhaneyî de beşdarê eşkerayîya rojnamegeran bîye, amî sûcdarkerdiş.

 

Sewbîna girewtişê dowîzê bi sloganê, Ma qelema nîna tewênayîş yê Gurbetellî Ersoz ê zî bî babeta sûcdarkerdiş.

 

'Sûc nîyo' 

 

Gulîstan Dursun ke îfadeyê xo de dîyar kerd ke semedê rojnamegerî beşdarê çalakî bîya û va: "Gurbetellî Ersoz yewin Mudirîya Weşanê Pêroyî yê Cinîyan yê Tirkîya ya. 2 rojnamegerî ameyî qetilkerdiş û hetê sazgehê meslegî yê çapemenîye ra eşkerayî û venga çalakî ame kerdiş. Ez hem sey ronamegere û hem zî semedê protestokerdişê babete uca de bîya.” Gulîstan Dursun ke sûcdarkerdiş red kerd û va, "Tu nîyetê min ê propaganda çin bî. Ez sey rojnamegerêke cinî beşdarî eşkerayîye bîye. No suc nîyo.”