AMED - Hebun Eker ke Seda Ekere rê şîdetê fîzîkî û  psîkolojîk kerd, dimayê îtîrazê rayapêroyî û avûkatan hetê Hakimîyê Cezaya Sulhî ra bi sucdarîya “bi qestî birîndarkerdiş” ame tepiştiş.

 

Amed de cinîya bi nameyê Seda Eker (24) hetê camêrdo bi nameyê Hebûn Eker (32) ke prosesê telaqî de bî û babîyê ey de rastê şîdetê fîzîkî amî. Seda Ekera ke semedê raştê şîdetê psîkolojî yê Hebûn Eker ke 7 serrî ey dir zewicnayebî, muracatê telaqî kerd, hetê Hebûn Eker û babîyê ey Cemal Eker ra raştê şîdetê fîzîkî û tehdîdê kiştişî amî. Badê hedîse Hebun Eker destbend bibi û badê cû zî serbest amebi veradayîş. Mehkema derheqê Hebun Ekerî de hepsê keyeyî dabî la amebî zanayîş ke hema zî kelepçeyê elektronîkî nêkerdê dewre. Fail Hebun Eker, keyeyê Seda Eker ke ci de manena de cezaya hepsê keyeyî dîyabî.

 

Fail berdîya zîndan

 

Badê xebera ajansê ma û rayapêroyî û avûkatan ser dozgerî newe ra dosya erjna. Dozgerî, fail Hebun Ekerî bi sucdarîya kesî “bi qest birîndarkerdiş” sewqê mehkemaya ceza kerd. Badê qerarê dozgerî fail berdîya zîndan.