COLEMÊRG - Derheqê mûxabîra ma Rabîa Onver ke semedê xebera xo ya serê vilabîyayîşê fuhûşî û şuxilnayîşê madeyê tîryakî yê Colemêrgî de dewa amebî akerdiş, qerarî dir bêtaqîbkerdiş ame dayîş. 

 

Dozgerîya Komare ya Colemêrgî hemverê mûxabîra ma Rabîa Onver bi tohmetê "vilakerdişê agahiyanê şaşan bi eşkereyî" semedê xebera aye ya vilabîyayîşê fuhûşî ser û şuxilnayîşê madeyê tîryakî Colemêrg de cipersayîş da destpêkerdiş û qerar ame dayîş ke dewa ci rê nêro akerdiş.

 

Dozgerîye dosya pada û dîyar kerd ke ganî xebera Rabîa Onver çarçewaya azadîya çapemenîye de bêro erjnayîş.