RIHA - Riha hetê Meclîsê Ciwanan ê Rihayî yê DEM Partîye ra komxebatekê amî organîzekerdiş û ame dîyarkerdiş ke bi ciwanî dest pêkerdê, do bi ciwanî bi ser bikewê.

 

Meclîsê Ciwanan ê Rihayî yê Partîya Têduştî û Demokrasî (DEM Partî) çarçewaya Komxebata, "Bi ciwanê serkêş ver bi komelê demokratîkî" Riha de komxebatêke amî organîzekerdiş. Komxebate Salona Konferansî ya Avûkat Tahir Elçî ya Baroyê Rihayî de amî organîzekerdiş. Verfeka Komîsyonê Huqûqî ya DEM Partî Sevda Çelik Ozbingol, Parlamenterê Colemêrgî yê DEM Partî Vezîr Parlak, nuştox Namik Kemal Dînç, endamê Koordînasyonê Cinîyê Ciwanan ê DEM Partî, endamê Meclîsê Dayikê Aştîye yê Rihayî, pêameyê Platformê Kede û Demokrasî yê Rihayî û xeylêk kesê bînî beşdar bî. Pankart bi nuşteyê "Ma cuya sosyalîst de israr kenê, ma Rayberê azadî dir xo birêxistin kenê" salona ke komxebate ci de amî organîzekerdiş, ame daliqnayîş.

 

Komxebate dimayê rêzgirewtişî û berzkerdişê sloganê "Bijî Serok Apo" û “Şehîd namirin” dest pêkerd. Komxebate de endamê Meclîsî yê DEM Partî Muhsîn Aydogdu qisey kerd û va: "5 bajaran de pêvînayîşan organîze kenê û pêvînayîşan de pawitişê serekî esas gênê. Awankerdişê cuya neweyî de ciwanî do berpirsiyarîyê xo pê bîyarê. Ma bi ciwanî dest pêkerd û ma do bi ciwanî serbikewê." 

 

Komxebate bi pêşkêşkerdişê pêşnîyazîyê netîcenameyî peynî bî.