ZONGULDAK - Qezaya Çaycumayî ya beldeyê Karapinarî de serekê beldeyê AKP’yî Fîkret Kara ke tutêke rê tacîz kerd, bi sebebê “kêmîyê delîlan” serbest vera dîya.

 

Qezaya Çaycumayî ya beldeyê Karapinarî de serekê beldeyê AKP’yî Fîkret Kara tutêke rê tacîz kerd. Cipersayîşo ke derheqê tacizî failî de ame destpêkerdiş, fail ame destbendkerdiş. Failo ke berdîya mehkema, bi sebebê “kêmîyê delîlan” ame veradayîş.

 

Goreyê xebera ke BirGun de derbaz bî; qerar dîyayo ke fail bêtepiştiş bêro muhakemekerdiş, fail wezîfe ra ameyo girewtiş û vera ci endamê meclîsê Şaredarîya Karapinarî Bayram Soyay ameyo wezîfedarkerdiş.