MERKEZÊ XEBERAN - Çalakîya Nobete ke Wargehê Multecîyan ê Mexmûrî semedê azadîya fîzîkî ya Rayberê Şarê Kurdî Abdullah Ocalanî ameya destpêkerdiş, bi koma 152ine bi qerardarî dewam kena.

 

Çalakîya Nobete ya Wargehê Multecîyan ê Şehîd Rustem Cûdî (Mexmûr) ke 20ê temmuze 2023’yan de semedê azadîya fîzîkî ya Rayberê Şarê Kurdî Abdullah Ocalanî ameyo destpêkerdiş, bi dewirgirewtişê koma 152. bi qerardarî dewam kena.

 

Vernîya ke çalakî bêro dewirgirewtiş semedê cangorîyê azadîya Kurdistanî deqeyêk rêze amî girewtiş. Dimayê rêzgirewtişî nameyê koma 151. ser o Zîlan Ozek eşkerayîye wend.

 

Zîlan Ozek destpêkê eşkerayîye de bale ant tecrîdê Rayberê Şarê Kurdî Abdullah Ocalanî ser o û wina neql kerd: “Seke yeno zanayîş bi 26 serrî yo Rayber Apo binê şert û mercê zehmetî de bi îradeyêk xurt têkoşîn keno û xo ver dano. Ma zî sey roniştoxê jî wargehê Şehîd Rustem Cûdî serra 2023ine ra semedê azadîya Rayber Apo çalakîya nobete de yê. Rayber Apo û gerîla çareserîya meseleya kurdî û Rojhelatê Mîyanên. Semedê proses bi hawayêko weş bêro kerdiş lazimî bi başkerdişê şert û mercê Rayber Apo est o. Eynî wextî de lazimî bi azadîya fîzîkî ya Rayber Apo est o.”

 

Merasîm bi dewirgirewtişê koma 152. û sloganan peynî bî.