ÎZMÎR - Cinî, Îzmîr de dorê dara aştîye kom bî ke waştişê xo pawa bikerê. Meclîsê Cinîyan ê DEM Partîye dîyar kerd ke aştî bi keda cinîyan yena awankerdiş.

 

Meclîsê Cinîyan ê Îzmîrî yê Partîya Têduştî û Demokrasî (DEM Partî) çalakîya dara aştîye organîze kerd. Cinî hemverê Şîrînxaneyê Sevinç ê Alsancakî kom bî û waştişê xo yê aştîye kartan ser o nuştî û bi kerdî dare wa. Çalakî de pankartê bi nuşteyê "Ma cuye pîl kerd, ma do aştîye awan bikerê", "Bê têduştî aştî nêbena" û "Ez cuya hemverê şerî pawena" ameyî girewtiş, eynî wextî de sloganê sey "Şerî rê nê, aştî nika", "Biciwîyo aşitî" û "Jin, jiyan, azadî" ameyî berzkerdiş. Dimayê çalakîye eşkerayîye ame dayîş. Verfeka Meclîsê Cinîyan ê Îzmîrî yê DEM Partî, Turkan Aslan Agaç, nameyê cinîyan ser o eşkerayîye wend.

 

Çalakî dimayê eşkerayîye bi kaykerdişê govende peynî bî.