NAVENDA NÛÇEYAN - Parlamenterên Partiya Sosyalîzm û Azadiyê ya Brezîlyayê (PSOL) û Eniya Çepgiran a Arjantînê (Frente de Izquierda) êrîşên li ser Rojava banga piştevaniya navneteweyî kirin.

 

Parlamenterên Partiya Sosyalîzm û Azadiyê ya Brezîlyayê (PSOL) û Eniya Çepgiran a Arjantînê (Frente de Izquierda) di daxuyanî û peyama xwe ya bidîmen de nerazîbûnên xwe nîşanî êrîşên çeteyên hikumeta û dewleta Tirk dan.

 

Rêveberiya Neteweyî ya PSOL’ê da zanîn ku êrîşên li ser Rêveberiya Xweser a Bakur û Rojhilatê Sûriyeyê (DAANNES) li hemberî rêveberiya demokratîk û gelparêz êrîşeke rasterast e.

 

Di daxuyaniyê de hate diyarkirin ku ev pêvajo gefê li yek ji tecrûbeyên Rojhilata Navîn ên herî civakî û demokratîk dixwe û bal kişand ser zextên siyasî, paşveçûna têkildarî mafên jinan û zexta li ser rêveberên xwecihî.  SPOL’ê bang kir ku DAANNES di qada navneteweyî de were naskirin.

 

Parlamentera Eyaleta Buenis Aires a Yekîtiya Eniya Çepgiran a Arjantînê Monica Schlothauer jî di peyama xwe ya bidîmen de erîş weke ‘’polîtîkayeke qetlîamker’’ pênase kir.

 

Monica Schlothauer diyar kir ku ew piştgiriyê didin têkoşîna gelê Kurd a azadî û diyarkirina çarenûsa xwe û da zanîn ku wan pêşnûmaya şermezarkirin û piştevaniyê pêşkêşî Meclîsa Eyaleta Buenis Airesê kiriye. Di peyama  xwe de bi taybetî berxwedana jinan a li Rojava silav kir.

 

Parlamentera PSOL’ê Maria Naconchi jî diyar kir ku êrîş di berpirsiyariya hêzên herêmî û navneteweyî de dest pê kirine, anî ziman ku parastina tecrûbeya li Rojava ya gelparêz û azadiya jinan esas digire,  ji aliyê têkoşîna gelên cîhanê ve gelekî girîng e û banga xurtkirina piştevaniya navneteweyî kir.