MERKEZÊ XEBERAN - Goreyê dayeyê Meclîsê Asayîşê Kar û Weşîya Karkeran (ÎSÎG), aşma nîsane de Tirkîya de tewr tay 189 karkerî dinyaya xo bedelnayî. Xeylêk qurbanî cinî, tutî û multecî bî.

 

Meclîsê Asayîşê Kar û Weşîya Karkeran derheqê aşma nîsane "Raporê Cînayetê Karî" weşan kerd. Goreyê raporî temamê Tirkîya de tewr tay 189 karkerî dinyaya xo bedelnayî.

 

Ame neqlkerdiş ke qurbanîyan ra 14 ci ra cinî, 5 ci ra tutî û 3 zî multecî yê.

 

Tewr zêde zî sektorê înşaetî û viraştişê rayîrî ra karkeran dinyaya xo bedelnaye.