Do tepişteyî seba Evîn Zapsu dest bi grevê vêşanî bikerê
- 11:52 17 Teşrîna peyêne 2026
- NAROJANE
MERKEZÊ XEBERAN - Ame neqlkerdiş ke tepişteyê Zîndanê Girewte yê Cinîyan ê Bunyanê Kayserî, eger Evîn Zapsu ya ke bi kanser a, nêro veradayîş, do dest bi grevê vêşanîye bikerê.
Rewşa weşîya Evîn Zapsu ya ke bi giranî nêweş a û Zîndanê Girewte yê Cinîyan ê Bunyanê Kayserî de yena tepiştiş, hema zî tehluke de ya. Dimayê ke biyopsiyê Nêweşxaneyê Bajarî yê Kayserî de vejîya orte ke aye kanserê rehîmî yê qonaxê 4ine kewta û kanser vilayê organanê aye yê zereyî bîyo, vengdayîşê aye yê semedê veradayîşê aye dewam kenê.
Goreyê xebera Ajansê Mezopotamyayî (MA), mêrdeyê Evîn Zapsu, Mecit Zapsu, dîyar kerd ke keyeyê tepişteyêke bîne dir kewto têkilî û neql kerdo ke eger Evîn Zapsu nêro veradayîş, tepişteyê cinî plan kenê ke dest bi grevê vêşanîye bikerê.
