MERKEZÊ XEBERAN – TJA'yî venga beşdarbîyayîşê rayîrşîyayîşê ke do 31ê gulane de Amed de bi beşdarîya bi hezaran cinîyan bêro kerdiş, kerd.

 

Têgêrayîşê Cinîyanê Azadan (TJA) derheqê rayîrşîyayîşo ke do hetê bi hezaran cinîyan ra 31ê gulane de saete 16:00ine de Meydanê Şêx Seîdî yê Amedî de bêro organîzekerdiş, nuşteyêk nuşte weşan kerd.

 

Eşkerayîya bi sernameyê "Cinî semedê aştîya komelî û çareserîya demokratîke rayîr ra benê" de ame vatiş ke, "Ma cinîyê ke semedê cuyêke bêşer, bêîstîsmar, cuyêka têduşt û edaletî têkoşîn kenê, merkezê awankerdişê çareserîya demokratîke ya meseleya kurd ê.”

 

TJA'yî eşkerayîya xo de wina va:

 

"Dimayê vengdayîşî Birêz Ocalanî yê 27ê sibate, berê aştîyêk bi rûmet welatê ma abîyê. Ma cinî yê ke do nê vengdayîşî tewr zêde qebûl bikerê û komelêk demokratîk awan bikerê."

 

Semedê cuyêka azad û têduştî

 

Ma zanê ke komelê demokratîkî cuyêka sosyalîst ê têduştî û azad o. Ma awankerdoxê nê cuye yê. Semedê nê sebebî; ma semedê aştîya komelî û çareserîya demokratîkî kenê! Ma venga pêro çalakîkeranê cinî, femînîst, ekolojîst, cinîyê ciwanî, roşnvîr û hunermendê ke pawitoxê heqî yê, cinîyê ke netewe û bawerîyê cîya kenê ke semedê pawitişê cuyêka azad û têduştî bikerê.

 

Vengdayîşê tewrbîyayîşê rayîrşîyayîşî 

 

Ma zanê ke cinî hêzê agêrayîşê cuye yê. Ma zanê ke komelî nêeşkenê azad bibê heta ke cinî azad nêbê. Ma zanê ke her çî eşkeno bibo, eke ma biwazê. Bêrê ma pêro 31ê gulane de saete 16:00ine de Meydanê Şêx Seîdî yê Amedî sozê xo yê komelêk demokratîkî berz bikerê.