MERKEZÊ XEBERAN - Çalakîya şarê Mexmûrî yê hemverê tepiştiş û ambargoyê hukmatê Iraqî yê vera bendê kontrolî yê hêzê Iraqî roja 5. de bi qerardarîyêka xurt dewam kena.

 

Heyetêkê Meclîsê Şarî yê Mexmûrî ke semedê ambargoyê Iraqî û problemê Wargehê Mexmûrî şîbî Bexda, badî ke pêvînayîşê Wezîrê Edaletî reyde qediya, wexto ke agêrayêne Wargeh tepişyayî.

 

Goreyê xebera Roj News’î şarê Wargehê Koçberan ê Şehîd Rustem Cûdîyî (Mexmûr) vera ambargo, rayirgirewtiş û dorpêçî yê wargehî ser o, reyna girewtişê heyetî ke nameyê şarî ser o şibi pêvînayîşî, 6 rojîyo vernîya berê nuqteya kontrolî yê hêzanê Iraqî çalakî de yî.

 

15ê Gulane de şarê Mexmûrî hemverê tepiştişê heyetê meclîs û zêdebîyayîşê zext û tehdîdê hukmatê Iraqî yê hemverê şarê Mexmûrî heta bendê kontrolî yê Iraqê rayra şîyî. Girseyê şarî semedê wayîrvejîyayîşê îradeyê xo, çadira çalakî ronaye. Çalakî roja xo ya 5. de bi qerardarî dewam kena. Eynî wextî de çalakîkerê Mexmûrî dîyar kenî ke heta endamê heyetî nêrê veradayîş û rayîrê şîyayîşî nêro akerdiş do çalakîya xo bidomnê.

 

Çalakîya şarê Mexmûrî ewro zî roja xo ya 6. de bi qerardarîyêka xurte dewam kena.