AMED - Şaredarîya Sûrî, Taxa Kabê de Baxçeyê Komunê Cinîyan awan kerd ke no çî berardişê kolektîfî yê cinîyan teşwîq keno.

 

Şaredarîya Sûrî Taxa Kabê ya Amedî de projeyêk newe yê bingehê pêgirewtişê cinîyan û berardişê xoza pê ard. Wareyê ke bi nameyê Baxçeyê Komunê Cinîyan ameyo awankerdiş, çalakîyêk ramitişê toxum û şitlan ame kerdiş. Hemşaredara Şaredarîya Sûrî Fatma Gulan Onkol û endamê meclîsê şaredarîye zî beşdarê çalakî bîy.

 

Fatma Gulan Onkol, bale ant muhîmîyê cigêrayîşî ser û va: "Ma na proje bi amancê mendekerdişê têkilîyê cinî-xoza û zêdekerdişê berardişê xoza dest pêkerd."

 

Cinîyê ke çalakî de qisey kerd dîyar kerdî ke ê wazenê cayê wina bêrê zêdekerdiş.

 

Dima ra toxum û şitl Baxçeyê Komunê Cinîyan ame ramitiş.