MERKEZÊ XEBERAN - Xarpêt de tuto 12 serre ke keyeyê xo dir şîbî seyran, semedê honikbîyayîşî kewt Gola Awbendê Kebanî û xeniqya.

 

Tuto bi nameyê M.F.A. (12) keyeyê xo dir semedê seyranî şîbî dorê dewa Guzelyali ke bi ser bajarokê Yurtbaşi ya Xarpêtî de. M.F.A., semedê honikbîyayîşê kewt Gola Awbendê Kebanî û demêk dima verê çiman de vînî bi. Nê ser de, keyeyê ey Merkezê Hetkarîya Lezgîn a 112î gêrayî. 

 

Dimayê agahdarkerdişî, komê weşîye û cendirme sewqê cayê hedîse ameyî kerdiş. Bi hetkarîya welatijan û bi xebatê cigêrayîş-xilaskerdişî tut gole ra ame vetiş. Dimayê midexileyê ewilî zî Nêweşxaneyê Bajarî y Fethî Sekîn rê ame sewqkerdiş. Tut M.F.A., pêwa midaxileyê doktoran zî dinyaya xo bedelnaye.

 

Termê tutî semedê otopsî berdî morgê nêweşxaneyî. Derheqê hedîse de cipersayîş ame destpêkerdiş.