MERKEZÊ XEBERAN - Partîya BastA! ya Swîsreyî eşkera kerd ke ê paştî danê kampanyaya EFFP’yî ya “Ez wazena Abdullah Ocalanî bivîna.”

 

Partiya BastA! a Swîsreyî ya ke xeta ekolojîst, femînîst û sosyalîst ser o ya eşkera kerd ke ê paştî danê kampanyaya Forumê Aştî û Azadîye yê Ewropayî (EFFP) yê “Ez wazena Abdullah Ocalanî bivîna.”

 

Sekretera Pêroyî ya Partîya BastA!’yî Fransîzka Stîer bi nameyê partîya xo beşdarê kampanya bîye û bi waştişê pêvînayîşê Rayberê Şarê Kurdî Abdullah Ocalanî reyde Wezîrê Edaletî yê Tirkîya Yilmaz Tunçî rê mektub erşawito.

 

Mektubo de ke 7ê hezîrana 2025î de ame erşawitene, ame eşkerakerdene ke vegdayîşê ‘Aştî û Komelo Demokratîk’ yê Abdullah Ocalanî qada mîyanneteweyî de xeylê veng da.

 

Fransîzka Stîer vat: “No vengdayîş seba awankerdişê dinyayêka cayê cuye, firsendêko tarîxî yo. Heta ke ma birêz Ocalan reyde pêvînayîş nêkerê ma nêeşkenê fikranê ey hîna xurt fehm bikerê. Coka ma wazenê rayîrê Ocalan reyde kerdişê pêvînayîşî bêro akerdene. Seba ameyoxê Tirkîya, Kurdîstan û Rojhelato Mîyanên ganî îmkanê çareserîya seypê û demokratîke bêrê afirnayene.”