MERKEZÊ XEBERAN - Koordînasyonê Kongra Starî derheqê bêrêzîyê hemverê Rayberê Şarê Kurdî Abdullah Ocalanî û sîyasetmedaran de eşkerayîyêk da û va: “Azadîya Rayberê ma azadîya ma ya. Ma heqaretê ke hemverê Rayberê ma û sîyasetmedaranê ma qebûl nêkenê.”

 

Koordînasyonê Kongra Starî bi eşkerayîyêk va ke azadîya Rayberê Şarê Kurdî Abdullah Ocalanî azadîya înan a û bêrêzîyê hemverê Abdullah Ocalanî û sîyasetmedaran qebûl nêkenê.

 

Eşkerayîyê de wina ame vatiş:

 

“Sey Rêxistina Kongra Starî, ma demêk o bêrêzî û heqaretê ke hemverê Rayber Apo yenê kerdiş nêzdî ra taqîb kenê. Rastî zî no wexto ke heme hewl û têkoşîn esasê aştî û demokrasî ser o yewbîyê de, Rayber Apo bi israrî wayîrê wayê û biratîya mîyanê şaran awan keno de, hêrişê bi nê şiklî xeylê lêşîn û tersonek ê. Ma wazenê vajê ke nê vatişê ke şexsê kesêk bi nameyê Musavat Dervîşoglu û Turan Çomezî ke partîya ÎYÎ de ca gênê de meclîsî de ameyî vatiş, xêrcê têmîyanî çîyêk bîn awan nêkeno.

 

Netîceyê vatişanê nê şexsan de, ma ewro zanenê ke tîya de trîbunanê kayê futbolî yê mîyanê Gurcistan-Tirkîya de hemverê Rayberê ma heqaretê lêşinî ameyî kerdiş. Ma baş zanenê ke nê kesî sey Turan Çomezî, Musavat Dervîşoglu bi weykerdişê nefretê mîyanê şaran de rayîrê nê çîyan akenê û tena fitne virazenê. Rastî de nê kesî şer, kiştişê ciwanan, merdiman, krîz ra wey benê û feyde gênê. Nê semedî ra zî mîyanê şaran de aştî nêwazenê û semedo ke hemverê aştîye xebate bikerê, kewenê hewldayîşê bi nê şiklî yê lîşinî.

 

La heqîqeto ke est o, hetê heme dinya ra yeno zanayîş ke Rayber Apo no wext de keso ke tewr zaf semedê aramî û aştîya cematan de mîyanê têkoşînî de yo. Pêwa ke Rayberê ma demêk derg o semedê şaranê Tirkîya hewldayîşê aştîye de yo, hemverê jehrê netewperestîye de zî mîyanê şerêk de yo, pêwa ke 27 serrî binê şert û mercanê tewr giranan ê tecrîdî de yo, tena semedo ke vernîya pêrodayîşê mîyanê şaran bigîro, kûrkerdişê projeya aştî û demokrasîye de yo, nê nêzdîbîyayîşî qebûl nêbenê. No nêzdîbîyayîş, nêzdîbîyayîşê beşêk netewperestan nîyo, la polîtîkayêk xeylê bi zanabîyayîşî yo. Sebebê mesela kurdan nêdîyayîşî ra ameyîş o.

 

Ma zanê ke hîrêgoşeyê dewlete-arteş-milet netewperestîyê Tirkîya kûr keno. No zî mîyanê şaran de kîn û niqaf kûr keno, gur keno. Nê kesê ke rayîrê nê tehlukeyan akenê, esasê xo de hemverê welatê xo, şarê xo de yê zî. Çike ê hemverê aştî û demokrasîyê şaran ê û tena şer ra wey benê, xo rêxistin kenê. Bi taybetî qiseykerdişê qaşo serekê partîya Îyî Musavat Dervîşoglu wina asenê ke pêrodayîşê mîyanê şaran, gurkerdişê faşîzmî, bêrêzîyê hemverê heme şaran de dubare yo.

 

Sey cinîyê Rojawayê Kurdistanî ma vanê ke azadîya Rayberê ma azadîya ma ya. Ma heqaretê ke hemverê Rayberê ma û sîyasetmedaranê ma de ameyê kerdiş qebûl nêkenê. Lazim o ke hemverê nê nêzdîbîyayîşan heme dost û rêxistinî zî bikewê mîyanê têgêrayîşî ke nê kesî bêrê teşhîrkerdiş û reyke bîn cesaret nêkerê nê qiseyan bikerê.”