NAVENDA NÛÇEYAN - Fona Zarokan a Neteweyên Yekbûyî (UNICEF), di daxuyaniyekê de bal kişand ser kuştina berdewam a zarokên Filistînî li Zivala Xezayê û Şerîaya Rojava û diyar kir ku divê ev yek wekî "rastiyek nû" an jî bûyerek normal neyê hesibandin.

 

Bandorên pevçûnên berdewam li li Xezayê û Zîvala Xezayê li ser zarokan her ku diçe girantir dibin. Zarok, ku ji berê ve di gihîştina stargeh, lênihêrîna tenduristiyê û xizmetên bingehîn de bi pirsgirêkên cidî re rû bi rû ne, bi xetereyên ewlehiyê yên zêde û trawmayên psîkolojîk re jî rû bi rû ne.

 

Heşt zarok mirin û 17 jî birîndar bûn

 

Rêvebirê Herêmî yê UNICEFê yê Rojhilata Navîn û Bakurê Afrîkayê ragihand ku di dawiya hefteyê de li Zivala Xezayê di pênc bûyerên cuda de heşt zarok mirin û 17 jî birîndar bûn. Li Zivala Xezayê, pitikek heft mehî piştî ku ji ber guleyên hêzên Îsraîlê birîndar bû, li Hebronê mir.

 

Di daxuyaniyê de hat gotin ku zarokên li Xezayê birîndar bûne dema ku futbolê dilîstin, ji ber êrîşeke li ser xizmên xwe bandor bûne û pitika li Şerîaya Rojava dema ku bi diya xwe re di otomobîlê de bû, hatiye gulebarankirin.

 

Daxwaza lêpirsînê

 

Karbidestekî UNICEF’ê tekez kir ku hedefgirtina zarokan nayê qebûlkirin û daxwaza lêpirsînên zelal ên li ser bûyeran û hesabpirsîna kesên berpirsiyarê binpêkirina qanûnên navneteweyî kir.

 

Her wiha di daxuyaniyê de hat destnîşankirin ku parastina zarokan û pabendbûna bi qanûnên mirovî yên navneteweyî û rêzikên mafên mirovan re ji bo hemû aliyan erkên girîng in.