AMED - Gerînendetiya Polîtîkayên Jinan a Şaredariya Peyasê, ji bo xurtkirina hevgirtina li dijî tundiya li ser jinan û parvekirina rêbazên xebatê yên hevpar ên di têkoşîna li dijî tundiyê de, li Parka 75'an bi jinan re civiya.

 

Gerînendetiya Polîtîkayên Jinan di çarçoveya kampanyaya “Gotina Me Ne Qediya, Em ê Bi Hev Re Tundiyê Bisekinînin” de li Parka 75'an bi jinan re hatin gel hev. Armanca vê kampanyayê ew e ku aliyên civakî yên tundiya li ser jinan bên nîqaşkirin û wekî pirsgirêkeke strukturel li dijî tundiyê hesta rêxistinbûnê ava bike.

 

Hevşaredar Bêrîvan Gulşen Sîncar, endamên meclîsa şaredariyê, alîkara hevşaredaran û xebatkarên Gerînendetiya Polîtîkayên Jinan tevlî vê civînê bûn. Di dema hevdîtinê de, ji bo jinên ku rastî tundiyê hatine belavok hatin belavkirin; di van belavokan de agahiyên têkiliyê yên navenda hevgirtina jinan û piştgiriya civakî cih digirtin.

 

Hevşaredar Sîncar derbarê xebatên şaredariyê yên li ser jinan de agahî dan û di heman demê de guh da daxwaz û pêşniyarên jinan. Şaredarî dê di meha havînê de li gelek cihên cuda van hevdîtinan bidomîne.