AMED - Atolyeya Hunerê ya Yekta ku li Peyasê xebatên xwe didomîne, ji bo kursên serdema nû qeyd dest pê kirin.

 

Atolyeya Hunerê ya Yekta ku girêdayî Gerînendetiya Çand û Karên Civakî ya Şaredariya Peyasê ye, ji bo kesên dixwazin di warê muzîkê de pêş bikevin û xwe ji bo ezmûnên jêhatîbûnên taybet amade bikin, derfetên perwerdehiyê pêşkêş dike. Hate ragihandin ku qeydkirina ji bo kursên serdema nû dest pê kiriye.

 

Bernameyên perwerdehiyê ne tenê bingehên muzîkê, di heman demê de teoriya muzîkê, xwendin û nivîsandina notayan, solfej, rîtm û perwerdehiya guhdarîkirin û rahênanê jî vedihewînin.

 

Bernameyên atolyeyê her wiha polên taybet ji bo kesên ku dixwazin xwe ji bo ezmûnên jêhatîbûnê yên konservatuar û beşên muzîkê amade bikin jî dihewîne. Armanca van polan ew e ku şiyanên muzîkê, hesta rîtmê û jêhatîbûnên bingehîn ên xwendekaran werin pêşxistin. Ji bilî kesên ku dixwazin bi tenê jêhatîbûnên xwe pêş bixin, kesên ku xwe ji bo audîsyonan jî amade dikin dikarin serî li kursan bidin.

 

Qeyd û agahiyên zêdetir

 

Xwendekarên ku dixwazin der barê kursan de agahiyan bistînin û pêvajoya qeydê temam bikin, dikarin rasterast bi Atolyeya Hunerê ya Yekta re têkiliyê daynin.

 

Navnîşan: Taxa Huzurevlerî, Kolana 14an, li kêleka Dibistana Navîn a Diclekentê, Peyas / Amed