STENBOL- Meclîsa Jinên Ciwan a Stenbolê ya DEM Partî, ku meşa wan bi dirûşmeya "Em di jiyana sosyalîst de israr dikin, em bi rêbertiya azad dimeşin" hate astengkirin, diyar kir ku aştî nayê tunekirin û aştî ne daxwazek e, lê mafek e.

 

Meclîsa Jinên Ciwan a Stenbolê ya Partiya Wekhevî û Demokrasiyê ya Gelan (DEM Partî) bi dirûşmeya "Em di jiyana sosyalîst de israr dikin, em bi rêbertiya azad dimeşin" li ber avahiya Rêxistina Parêzgehê ya DEM Partî kom bûn. Girseya ku dixwest ber bi Mala Piştgiriyê ya Guneş a Dolapdere ve bimeşe, ji aliyê polîsan ve hat astengkirin û bi dirûşmeyan nerazîbûn nîşan da. Girseyê li wir civîneke çapemeniyê li dar xist û daxuyanî ji aliyê endama Meclîsa Jinên Ciwan a DEM Partî Ayşegul Sakalli ve hat xwendin.

 

Ayşegul Sakalli diyar kir ku ew wek jinên ciwan hem aştî û hem jî azadiyê dipejirînin û got ku aştî ne daxwazek e, mafek e.

 

Piştre Hevseroka Bajarê Stenbolê ya DEM Partî Arîfe Çinar axivî û bang li jinan û raya giştî kir ku ji bo aştiyê têkoşîna xwe bidomînin.

 

Daxuyanî bi dirûşmeyên wekî "Na ji şer re, aştî niha" û "Bijî Serok Apo" bi dawî bû.