AMED - Şaredariya Peyasê, bi armanca belavkirina sporê di nav girseyên mezin de, çalakiyeke nû li rêzeçalakiyên xwe zêde kir. Tûrnûvaya Voleybolê ya biçûkan, ku bi hevkariya Gerînendeyiya Xizmetên Ciwan û Sporê ya Şaredariyê û Klûba Oz Kayapınar Sporê hat lidarxistin, li Parka 75’an bi dawî bû. Tîmên serketî xelatên xwe wergirtin.

 

Di tûrnûvayê de ku bi tevahî 24 tîm û 240 werzişvanên ciwan bi awayekî çalak beşdar bûn, platformeke girîng ji bo pêşxistina hezkirina voleybolê di nav ciwanan de û teşwîqkirina wan bi pêşbaziyê re hat pêşkêşkirin. Piştî maçên bi coş, tîmên şampiyon di merasîmeke taybet de, li avahiya xizmetê ya Şaredariya Peyasê, ligel malbatên xwe hatin pêşwazîkirin.

 

Hevşaredarê Peyasê Cengîz Dundar û endamên meclîsê madalya û xelat pêşkêşî werzişvanên serketî kirin. Dundar, di axaftina xwe de, bal kişand ser hêza yekbûnê ya sporê û diyar kir ku Şaredariya Peyasê dê bê navber xebatên xwe yên ji bo belavkirina sporê di nav hemû qadên jiyanê de bidomîne.

 

Ev tûrnûvaya serkeftî careke din girîngiya piştgiriya ji bo sporê û ciwanan li Peyasê nîşan da.