Şehrîban Aslan

 

AMED - Hemşaredara Sêrtî Sofya Algaş ke qeyûm tayîn vera ci bi wina va: “Ma armancê qeyûman baş zanê. Armanc xizmetê şarî nîyo, xesp û talan o.”

 

Dewlete serranê peyîn de qeyûmên tayînê şaredarîyan kena, îradeyê weçînîtoxan zî çin keno. 29ê çeleyî de qeyûm tayînê şaredarîya DEM Partîya Sêrtî ame kerdiş û hemşaredara ci Sofya Alagaş wezîfe ra amî girewtiş û derheqê ci de bi îdiayê ‘endamîya rêxistine’ dewa ameye akerdiş û 6 serrî û 3 aşmî ceza amî birnayîş. 

 

Sofya Algaş derheqê binpaykerdişê heqan de qisey kerd.

 

‘Bankaya Îller ma rê anêgêra’

 

Sofya Alagaş dîyar kerd ke 4 aşmî yo qeyûm tayînê şaredarî bîyo û va, vernîya qeyûmî xeylêk projeyê înan ke bica bîyarê estbîyê û va: “Yew nê projeyan ra xizmetê resnayîşê bajarî bî. Semedê otobusê bîyaye zaf kan bî û qîmî nêkerdêne. Bajar pîl beno û hûmara otobusan kêm bî. Projeyê ma yê girewtişê 15 otobusan estbî. Badê ma ameyî serê wezîfe ma  meclîs de gêrayî. Bi qerarê meclîsî ma muracatê kredî Bankaya Îllerî rê kerd. La Bankaya Îllerî cewab nêda.”

 

‘Projeyê ma kewtêne verê astengîyê burokrasî’

 

Sofya Alagaş dîyar kerd ke pêro projeyê înan kewtê astengî ver û wina va: “Badê ke qeyûmî ameyî muracatê ma yê kredî ameyî tesdîqkerdiş. 14 otobusê neweyî ardî bajar. Qeyûm nika bi nê propagandayê xo keno. Ma bi aşman kede da, ma hewl da. Ma muracat kerd. Lazimîyêk ferz bî. Semedo ke polîtîkaya qeyûman tesdîq nêkerdî. La nika semedê xo kenê şov.”

 

‘Dîsk-Genel Îş qeyûman dir pêkerdiş kerd’

 

Sofya Alagaş wina qedêna: “Ameyîşê Dîsk-Genel Îşî yê peymane ma bi hawayêk cidî nêrehet kerdî. Semedo ke ber Dîsk-Genel Îş qeyûman dir şî pêlerdiş. Qeyûmî nê waşt û Dîsk- Genel Îş zî nê qebûl kerd. Pîya hemkarî kerdî. Îkramîyeyê ke ameyêne dayîş, îkramîyeyê roşanî ameyî vistiş. Ganî sendîka xo ra cipersayîş bikero.”